Ngayong nagpaalam na, hindi alam kung san magsisimula
Mga alaala'y muling nagbabalik
Sa twing nasasabik sa yakap mo't halik
Kung mapagbibigyan lang ng Maykapal
Ang makita kang muli ang tanging dinarasal
Mailap mang mangyari ay umaasa parin
Nagbabakasakaling mapagbigyan ang hiling
Hindi man nagkasundo at madalas nagkatampuhan
Ika'y minahal at mamahalin pa magpakailanman
Hindi rin man naging maayos ang ating huling sandali
Ito'y itatago at isasantabi hanggang sa tayo'y magkita muli
Sa ngayon siguro, masaya't kuntento ka
Sa bago mong tahanang paraiso sa ganda
Isa lang ang pakiusap, kung pwede lang sana
Mga pinagdaanng away ay kalimutan na
Mga mapapait na salita ay itapon na
Masasayang napagsamahan nalang ang tandaan
Lalo na ang mga ngiting bihira kong nasulyapan
No comments:
Post a Comment